សួស្ដីខ្ញុំបាទ នូ សុវណ្ណារោត (អាស្វាដែក) សព្វថ្ងៃធ្វើការក្រៅម៉ោងបានប្រាក់បន្តិចបន្តួចដើម្បីបង់ថ្លៃទឹកភ្លើង និងអ៊ីនធឺណិត ។ ចំណែកពេញម៉ោងរបស់ខ្ញុំគឺយកទៅធ្វើ និងរចនាពុម្ពអក្សរ ដែលមានតែអ្នកប្រើតែគ្មានអ្នកគិតគូរទិញ ។ កន្លងមកខ្ញុំបានធ្វើការសន្សំប្រាក់បានមួយចំនួន ដើម្បីទិញកុំព្យូទ័រសម្រាប់ខ្លួនខ្ញុំ ដើម្បីអាចឲ្យមានលទ្ធភាពបន្តការរចនាពុម្ពអក្សរបន្តទៀតបាន ។ ហើយក៏សូមថ្លែងអំណរគុណ ដែលសប្បុរសជនបានជួយជ្រោមជ្រែងជាថវិកានិងសម្ភារៈកន្លងមក ។
ពុម្ពអក្សរ អាស្វាដែក / ASvadek ត្រូវបានដាក់ឲ្យទាញយកកន្លងមកដោយ ស្ថិតក្រោមកិច្ចព្រមព្រៀង សម្រាប់អ្នកប្រើប្រាស់ផ្ទាល់ខ្លួន មិនរកផលចំណេញ តែមានក្រុមហ៊ុន រោងពុម្ព និងអ្នកក្រាហ្វិកមួយចំនួន យកទៅប្រើប្រាស់ដើម្បីរកប្រាក់ចំណេញ មិនបានទំនាក់ទំនងទិញសិទ្ធប្រើប្រាស់ឡើយ ដែលជាហេតុធ្វើឲ្យបាត់បង់ប្រភពចំណូល ដែលធ្វើឲ្យប៉ះពាល់ដល់លទ្ធភាពនៃការរចនាពុម្ពអក្សរខ្មែរថ្មី ឲ្យបានទាន់ពេល និងសម្រាប់ផ្គត់ផ្គង់តម្រូវការបានទេ ។
ស្ថិតក្នុងដំណាក់កាល ដែលខ្ញុំគ្មានចំណូលពីពុម្ពអក្សររបស់ខ្ញុំ ខ្ញុំបាទមានតែអំពាវនាវដល់សប្បុរសជនដែលមានចិត្តចង់ឧបត្ថម្ភដល់ខ្ញុំបាទ ជាថវិកា ឬសម្ភារៈ ឲ្យអាចមានលទ្ធភាពបន្តការរចនាបន្តទៀត ឬអាចឲ្យខ្ញុំបាទសន្សំទិញឧបករណ៍សម្រាប់គូសពុម្ពអក្សរ ដើម្បីរចនាពុម្ពខ្មែរឲ្យមានម៉ូដប្លែកៗថ្មីៗ ។
ត្រឹមកុំព្យូទ័រ Desktop មួយគ្រឿងគឺមិនអាចបំពេញតម្រូវការ នៃការរចនាពុម្ពអក្សរខ្មែរបាននោះទេ វាទាមទារនូវឧបករណ៍ និងកម្មវិធីផ្សេងៗទៀតជាច្រើនមុខ ។ ដែលសព្វថ្ងៃនេះ ខ្ញុំមានលទ្ធភាពរចនាពុម្ពអក្សរតែជាមួយកម្មវិធី Font Creator 6.5 តែប៉ុណ្ណោះ ។ សម្រាប់រូបខ្ញុំដែលតែងតែ រចនាពុម្ពអក្សរថ្មីៗ ប្លែកៗ ក្នុងពេលនេះចាំបាច់ប្រើប្រាស់ iPad Pro ជាមួយ iFontMaker ដែលអាចឲ្យខ្ញុំបន្តរចនាពុម្ពថ្មីៗ ដែលលើកុំព្យូទ័រ Windows និង Mac OS មិនអាចធ្វើទៅបាន៕
- ចុចទីនេះស្វែងយល់ពីឧបករណ៍ iPad Pro
- ចុចទីនេះស្វែងយល់ពីកម្មវិធី iFontMaker
របាចំនួនទឹកប្រាក់ដែលបានបរិច្ចាគជា ( $ )
(អ្នកបរិច្ចាគ 1 នាក់)
$100/$3000របាចំនួនទឹកប្រាក់ដែលបានបរិច្ចាគជា ( ៛ )
(អ្នកបរិច្ចាគ ១ នាក់)
៦០,០០០៛/១០,០០០,០០០៛គណនីទទួលប្រាក់ ៖
Paygo : 221141 (Nou Sovannarout)
Post a Comment
🚨 ប្រសិនបើ វីដេអូ ណាមួយមានបញ្ហា សូមរាយការណ៍ តាមរយៈ Message Box។ សូមអរគុណ 🤗